إلا رسول الله
فجأة..
وأنا بافتح كتابك
وباشتهجى الانتصار
لمحت عينيه
صورة لعينيك من زمان
ءاحتمال كبير تكون
من زمان بعيد قوى
مثلا
من زمان صلاح الدين
تحديدا
فى سعات حطين
فعلا
توقيعك تحت الصورة بيثبت انك فارس
وانك حارس
وانك حلم اتحوش فينا
ماعرفش ليه
حاسس بصورتك انها صورة شهيد
روحه الزكيه عششت فى زمانا فينا
فعلا
صورة شهيد
حتى بص معايا واتأكد قوى
رعشه ايديك
بتهز فى ايديه الورق
ليه يتخنق فيك الكلام
مين دب سيفه
فى ضهرك المشدود على مر الزمان
مين اللى شافك
رافع رايات الانتصار
وايديك بتنزف دم طاهرة ع الرمال
ولا انحناش
مين اللى خانك
ملوكنا اللى فى صمتهم متمكنين
ولا الحنين
من فرطه كان الموت كتير ومستباح
يادى الجراح
من امته بس يكون دفاعنا عن رسول الله غلط
من امته بس كان جهاد المؤمنين فى الله غلط
من امته كان
موت الشهيد بايدين اخوة .
تعرف بجد
الفرق بين موتك زمان ودلوقتى مضحك قوى
وغريب قوى
انك تقول
ان الشهيد كان ف الطابور
واقف وراة تلاتين حرس
متمكنين فى قطع كل الالسنه
سيبك بجد م المهزله
وم اللى خايفين الجهاد
اغرز كلامك كله فينا
واحصدنا قبل الفجر سنابل
اشربنا واعرقنا فى منامك
حلمك بجد ده حلم هايل
سايرين وراك فرسان وخيول
صوتنا ولا مليون صهيل
لا اله الا الله
محمد رسول الله
يا عباد العلمانيه
والدعاره اللولبيه
إلا الحبيب المصطفى
إلا رســـول اللــــــــه ....
( صلى الله عليه وسلم )
