زينب ابو الفتوح
3
تاريخ التسجيل : 09/10/2013
 | موضوع: وقــال الـــرواى  الأحد 13 أكتوبر 2013 - 7:10 | |
|
وقال الراوى
الجد الأكبر منصور
باصص علينا من
حدا الطابيه
رافع اديه للسما
يطلب من المولي
حبة سلام ف سلام
يا ما قرب الأيام
قال الراوي ...
كانت بلادي جتت
متقتله ف الردم
وتلال سقوف البيوت
مرميه تحت الهدم
وكراسات الولاد
وشنطة الأحلام
وادين بنوته نونو
ماسكه ف رقبة قلم
الكل كان متحني
تحت التخت بالدم
قال الراوي ...
كانت ف ليلنا
الحكاوي ..حقيقه
والرعب واقف
يصهر ف شمع الليالي
والصبر راصد وشايف
واتاري صمته علامه
علي قومه جايه وحاجات
تشبه ليوم القيامه
كان الانتقام صولات
فجأه ..لقينا العساكر
بتسن ف الليل زنودها
شاده ف حيل حلمها
هدرت قذايف بارودها
قادت عزايم وفارت
وهزت الكون ..رعودها
قال الراوي ...
صهيوني واقف قبالي
بيشاور ع اللي جواري
وف لحظه هب انفجاري
طاح بالعيون الحدادي
تسلم ألوف الأيادي
قال الراوي ...
عديت ف الأرض مره
ألم ف الورد اللي ميت
صدمت عيوني رصاصه
ف جتت الرعب المميت
فرحت ..طلت قمرتي
تغني وتطير عليا
وفجأه ف نور سيجارتي
لمحت لارواح الأبيه
طايره لفوق جنب مني
أبيض كساها ونور
تبص من فوق وتضحك
الله علي المنصور
لما ترابه بيبرق
والنجمه تحضن عيونه
بعد اما طال انتظاره
ولا مل من طول ظنونه
قال الراوي ...
هيه السويس ..ورده
وأنا حارس البستان
رأيت فيها الكروب
وكرهت ريحة الحروب
لكنها جادت وسقيتني
من شهدها
نسيت سنينى اللي فاتت
وانا حاضن جرحها
وسيبت نفسي لنفسي
تزوق فرحها
زينب أبو الفتوح
السويس
24\4\2010
| |
|
