محمد ابو عوض
5
تاريخ التسجيل : 12/10/2013
 | موضوع: رسالة من غربة الايام  الأربعاء 16 أكتوبر 2013 - 2:16 | |
|
باعتذر
على انى نسيت ملامحكم خوف
فى ميدان رمسيس
وانا واقف اتهجى السكه
وبفك الوقت خففت عن حملى الاحلام وكتبتكم
ملاحيظ على كراس قديم ف الذاكره
ازيكم
وازى اختى اللى لسه منكم
ياهل ترى
..؟ لساها بتكحل عينيها بالبكا
وبتنتفض
من هوجة الكوابيس على سريرى القديم
اطمنوا
دايما وحاولوا تطمنوها
الهوها دايما ف الصور
وف ذكرياتى
بذات الصوره الاخرنيه
وانا رامى خطافى على الشمس وبشد فى ضيها
يمكن تبطل انتظار
ولا تضعفنيش احلامها فى البتارين وتسرق لقمتى
الناس هنا اكتر من البتارين واكتر م المطاعم والساعات
وساعات كتير
ما بطولش فى الطوابير على الايام مكان
المهم
ماتقلقوش
لو قلبى مش قد البكا
ما كنت جيت | |
|
